ជនសង្ស័យម្នាក់ករណីចេញមូលប្បទានប័ត្រ គ្មានសាច់ប្រាក់ ត្រូវនគរបាលខណ្ឌសែនខុសចាប់ខ្លួន
04-January-2019 | ដោយ ពលមនសិការ
ភ្នំពេញ៖ កាលពីថ្ងៃទី០៣ ខែមករា ឆ្នាំ២០១៩ វេលាម៉ោង១៥និង១០នាទី អធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ករណីចេញមូលប្បទានប័ត្រ គ្មានសាច់ប្រាក់ នៅចំណុចក្នុងក្រុមហ៊ុនដ្រាហ្គនស៊ីធី ផ្ទះសង់ថ្មី ផ្លូវ១០១៩ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខ ជនសង្ស័យឈ្មោះ ខាត់ គន្ធី ភេទប្រុស អាយុ៣០ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនសុខាមង្គល ស្នាក់នៅផ្ទះលេខ ២៤០ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ។
ជនរងគ្រោះឈ្មោះ ឡុង គឹមស្រ៊ី ភេទប្រុស អាយុ៣១ឆ្នាំ ជនជាតិខ្មែរ មុខរបរប្រធានក្រុមហ៊ុន ដ្រាហ្គនស៊ីធី ស្នាក់ផ្ទះលេខ២៣៨ ផ្លូវបេតុង ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ។
សម្ភារៈបាត់បង់៖សាច់ប្រាក់ដុល្លារសរុបចំនួន២០,១៨០ដុល្លារ។ សម្ភារៈបន្សល់ទុក៖មូលប្បទានប័ត្រ គ្មានសាច់ប្រាក់ចំនួន ០៣សន្លឹក។
លោកអធិការបន្តថា កាលពីថ្ងៃទី១៥ ខែកញ្ញា ឆ្នាំ២០១៨ វេលាម៉ោង១៨ និង៣០នាទី ជនសង្ស័យខាងលើ បានដឹកយកបេតុងចាក់ឱ្យគេ ដោយមិនបានយកប្រាក់មកទូរទាត់ឲ្យក្រុមហ៊ុន ហើយជនរងគ្រោះប្រធានក្រុមហ៊ុនបានទូរសព្ទ័ហៅជនសង្ស័យមកទូរទាត់សាច់ប្រាក់ដែលនៅសល់ហើយជនសង្ស័យបានធ្វើកិច្ចសន្យាជាមួយក្រុមហ៊ុនដោយសន្យាសងប្រាក់ជាដំណាក់កាល តែជនសង្ស័យមិនបានគោរពតាមកិច្ចសន្យាឡើយនិងបានចេញមូលប្បទានប័ត្រគ្មានសាច់ប្រាក់ចំនួន ០៣លើក ឲ្យទៅជនរងគ្រោះ(ប្រធានក្រុមហ៊ុន) ដែលមានទឹកប្រាក់សរុបចំនួន២០,១៨០ដុល្លារ ទៅឲ្យទៅជនរងគ្រោះ។ លុះដល់ថ្ងៃ០១ ខែមករា ឆ្នាំ២០១៩ ជនរងគ្រោះបានមកដាក់ពាក្យបណ្តឹង សុំប្តឹងជនសង្ស័យនៅអធិការដ្ឋាននគរបាលខណ្ឌ សែនសុខ បន្ទាប់មកផ្នែកជំនាញបានធ្វើការកោះ ហៅជនសង្ស័យឲ្យចូលមកធ្វើការដោះស្រាយគ្នា តែភាគីទាំងពីរ និយាយគ្នាមិនត្រូវគ្នារហូតម៉ោង ១៥និង១០នាទី សមត្ថកិច្ចយើងធ្វើការឃាត់ខ្លួនជនសង្ស័យតែម្តង។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីអនុវត្តតាមនិតិ វិធីច្បាប់ ៕
ចំនួនអ្នកទស្សនា
- ថ្ងៃនេះ9431
- ម្សិលមិញ11441
- សប្តាហ៍នេះ39261
- ខែនេះ154411
- ឆ្នាំនេះ154411
- សរុប20596867